بینکاک، تھائی لینڈ میں اسکول بس میں آگ لگ گئی جس کے نتیجے میں 25 سے زائد افراد کی ہلاکتوں کا خدشہ ظاہر کیا گیا ہے۔
غیر ملکی میڈیا کا کہنا ہے کہ تھائی لینڈ کے دارالحکومت بینکاک کے مضافات میں منگل کی صبح ایک اسکول بس میں اس وقت آگ بھڑک اٹھی جب بس میں سوار اسکول کے بچے اور ٹیچرز اپنی منزل مقصود کی جانب سے گامزن تھے۔
غیر ملکی میڈیا کا کہنا ہے کہ بس میں اساتذہ اور طلبہ سمیت کل 44 افراد سوار تھے جن میں 38 طالب علم اور 6 اساتذہ شامل تھے جبکہ حادثے میں 25 افراد کی ہلاکت کا اور متعدد افراد کے زخمی ہونے کا خدشہ ظاہر کیا جارہا تھا۔
تھائی لینڈ کے وزیر ٹرانسپورٹ نے میڈیا سے گفتگو کے دوران یہ کہا کہ بس میں سوار بچے اور اساتذہ ایک دورے کے لیے تھانی صوبہ سے دوسرے صوبے کی جانب سفر کررہے تھے، جسکے دوران ہی افسوسناک حادثہ پیش آگیا۔
وزیرداخلہ تھائی لینڈ کا کہنا ہے کہ سکول بس کا ڈرائیور موقع سے فرار ہوگیا جب کہ ہلاکتوں کی تعداد کے حوالے سے ابھی کوئی بات وثوق سے نہیں کی جاسکتی کیونکہ اس متعلقہ ابھی تحقیقات مکمل نہیں ہوئیں۔
