سربراہ لبنانی مزاحمتی تنظیم حزب اللہ حسن نصراللہ کا کہنا ہے کہ پیجر دھماکوں کے ذریعے اسرائیل کی جانب سے 1 منٹ میں ہزاروں افراد کو قتل کرنے کی کوشش کرکے تمام سرخ لکیریں پار کرلی گئیں ہیں۔
حسن نصر اللہ کے مطابق اسرائیل کی جانب سے اعلان جنگ کر دیا گیا ہے، اب حزب اللہ انتقام لے گی اور غزہ کی حمایت بھی جاری رہے گی۔
لبنان میں مواصلاتی حملوں کے بعد اپنے پہلے خطاب میں سربراہ حماس حسن نصر اللہ نے کہا کہ اسرائیلی حملے انسانیت اور سکیورٹی کی بہت بڑی ناکامی تھے تاہم اس سے اسرائیل حزب اللہ کو پریشرائزڈ نہیں کرسکتا۔
سربراہ حماس نے کہا کہ پیجر دھماکے بازاروں، گھروں اور اسپتالوں کے اندر ہوئے جن میں اسرائیل کی جانب سے جان بوجھ کر سویلینز کو نشانہ بنایا گیا، اسرائیل نے پیجر اور واکی ٹاکی دھماکوں کے ذریعے لوگوں کو قتل کرنے کی منصوبہ بندی کی۔
حزب اللہ فلسطینیوں کی حمایت جاری رکھے گی، چاہے اسکی کتنی ہی قیمت چکانا پڑی۔
حسن نصراللہ کا یہ کہنا تھا کہ اسرائیل 8 اکتوبر کے بعد اپنے شمالی علاقے سے فرار ہو چکا ہے اب اسے دوبارہ وہاں لوٹنے کی اجازت دی جائے۔
یاد رہے کہ حزب اللہ، اسرائیل کی جانب سے 7 اکتوبر کو غزہ پر حملوں کے اگلے روز سے ہی اسرائیل کے خلاف حالت جنگ میں ہے۔
