153
سعودی عرب میں 19 ہزار سے زائد غیر قانونی تارکین کو گرفتارکر لیا گیا۔
سعودی عرب میں1 ہفتے کے دوران 19 ہزار سے زائد غیر قانونی تارکین کو حراست میں لے لیا گیا ۔
ایس پی اے نے بتایا ہے کہ غیر قانونی تارکین کے خلاف کام کرنیوالی مشترکہ کمیٹی کا کہنا ہے کہ 11268 اقامہ قوانین کی خلاف ورزی ، 4773 افراد سرحدی قوانین جبکہ 2983 تارکین لیبر قوانین کی خلاف ورزی میں ملوث تھے۔
1212 تارکین کو سرحد عبور کر کے ملک میں غیر قانونی طور پر داخل ہونے کی کوشش پرحراست میں لیا گیا ہے ، جن میں سے 25 فیصد یمنی، 73 فیصد ایتھوپی جبکہ دو فیصد دیگر ممالک کے تارکین تھے۔
کمیٹی کے مطابق سرحد عبور کرکے غیر قانونی طور پر ملک سے باہر جانے کی کوشش کرتے ہوئے 122 افراد اورغیر قانونی تارکین کو سہولت فراہم کرنے پر 21 افراد حراست میں لئے گئے ہیں۔
