متحدہ عرب امارات نے ایٹمی پاور پلانٹ کی ذمہ داری بھارتی ادارے کے سپرد کردی۔
ابو ظہبی، متحدہ عرب امارات کی جانب سے اپنے برکہ ایٹمی پاور پلانٹ کی دیکھ بھال اور آپریشنز کی ذمہ داری بھارتی ادارے کے سپرد کر دی گئی۔
غیر ملکی میڈیا کے مطابق ابوظبی کے ولی عہد شیخ خالد بن محمد بن زاہد بھارت کے دورہ پر نئی دلی پہنچے، بھارتی وزیر اعظم نریندر مودی اور ولی عہد شیخ خالد بن محمد بن زاہد کی ملاقات ہوئی۔
اس موقع پر دونوں ممالک نے توانائی کے تعاون کو فروغ دینے کے لیے 4 مفاہمتی یادداشت پر دستخط بھی کیے۔
معاہدے کے مطابق انڈیا اور یو اے ای جوہری توانائی میں اسٹریٹیجک شراکت داری کریں گے۔
ابوظہبی نیشنل آئل کمپنی اور انڈین آئل کارپوریشن لمیٹڈ کے درمیان طویل مدتی ایل این جی سپلائی کے معاہدہ پر بھی دستخط ہوئے۔
علاوہ ازیں امارات نیوکلیئر انرجی کمپنی اور نیوکلیئر پاور کارپوریشن آف انڈیا لمیٹڈ نے برکہ نیوکلیئر پاور پلانٹ کی دیکھ بھال کے لیے ایک مفاہمت نامے پر بھی دستخط کیے گئے ہیں۔
