یوکرین صدر نے روس سے جنگ ختم کرنے کی حمایت کر دی
غیر ملکی میڈیا کے مطابق یوکرینی صدر کی جانب سے اپنے ایک بیان میں یہ کہا گیا ہے کہ امید ہے ڈونلڈ ٹرمپ کی امریکی صدارت سنبھالنے پر روس یوکرین جنگ جلد ختم ہو جائے گی اور نئی امریکی انتظامیہ یقینی بنائے گی کہ جنگ ختم ہو جائے۔
زیلنسکی کا کہنا ہے کہ انہوں نے ٹرمپ کے ساتھ امریکی صدارتی انتخابات میں ان کی جیت کے بعد ٹیلی فونک گفتگو میں روس کے خلاف جنگ سے متعلق تبادلہ خیال کیا تھا۔
روسی کی جانب سے یہ واضح نہیں کیا گیا کہ آیا ٹرمپ نے روس کے ساتھ ممکنہ مذاکرات سے متعلق کوئی مطالبات کیے ہیں ؟لیکن یہ ضرور کہا کہ انہیں ٹرمپ کی طرف سے کوئی ایسی بات نہیں سننے کو ملی جو یوکرین کے مؤقف کے خلاف ہو۔
یادرہے کہ روس اور یوکرین کی جنگ2سال سے زائد عرصے سے جاری ہے جہاں یوکرین کو امریکا کی حمایت حاصل ہے، اس جنگ میں یوکرین کے مختلف علاقوں کو نشانہ بنایا گیا اور بہت سی انسانی جانیں بھی ضائع ہوئی ہیں۔
