17 افریقہ کے ملک کانگو میں کشتی میں آگ لگنے سے ہلاکتوں کی مجموعی تعداد تقریبا 148 ہوگئی۔
افریقہ کے ملک کانگو میں کشتی میں آگ لگنے سے ہلاکتوں کی مجموعی تعداد تقریبا 148 ہوگئی۔
غیر ملکی میڈیا کا بتانا ہے کہ کانگو میں ایچ بی کونگولو نامی کشتی Matankumu کی بندرگاہ سے بولومبا کے علاقے کے لیے روانہ ہوئی جہاں کشتی میں آگ بھڑک اٹھی۔
غیر ملکی میڈیا کے مطابق کشتی میں آگ لگنے کا انتہائی افسوناک واقعہ منگل کے روز اس وقت پیش آیا جب ایک خاتون لکڑی کی بنی کشتی میں کھانا پکا رہی تھی۔
کشتی میں خواتین اور بچوں سمیت 500 افرادسوار تھے، آگ لگتے ہی کشتی دریائے کانگو میں ڈوب گئی جس میں 148 افراد ہلاک اور سیکڑوں لاپتا ہوگئے۔
غیر ملکی میڈیا کے مطابق افسوناک حادثے میں 100 افراد زندہ بھی بچ گئے جب کہ زخمیوں کا علاج جاری ہے۔
کانگو میں کشتی رانی کے حادثات عام ہیں جہاں پرانی لکڑی کی کشتیاں ہی دیہاتوں کے درمیان نقل و حمل کا ایک ذریعہ ہے اور اکثر ان پر گنجائش سے کہیں زیادہ لوگ سوار ہوتے ہیں۔
