بیجنگ، چین میں اسکول کے دروازے پر کھڑے بچوں کو ان کی بس نے کچل دیا۔
غیر ملکی میڈیا کے مطابق یہ افسوسناک واقعہ چین کے صوبے شینڈونگ کے شہر تائی آن میں صبح 7 بجے اُس وقت پیش آیا، جب بچے قطار کی صورت میں مرکزی دروازے سے اسکول میں داخل ہورہے تھے۔
اس دوارن ایک تیز رفتار اسکول بس نے درجن کے قریب بچوں کو گاڑی کے نیچے دے دیا۔
اسکول کے بچوں کو اسپتال میں منتقل کردیا گیا جہاں 11 ہلاکتوں کی تصدیق کردی گئی ہے، جبکہ زخمیوں کی تعداد کے متعلق متضاد اطلاعات ہیں۔
سوشل میڈیا پر وائرل ہونے والی تصاویر میں یہ دیکھا جا سکتا ہے کہ 1 بس کے قریب سڑک پر خون میں لتھڑے ہوئے یونی فارم میں ملبوس بچوں کی کچلی ہوئی لاشیں بکھری پڑی ہیں اور والدین انکے پاس بیٹھے رو رہے ہیں۔
واضح رہے کہ چین میں کئی سرکاری اسکول اس ہفتے نئے تعلیمی سال کے لیے دوبارہ کھلے ہیں جہاں بے ہنگم ٹریفک اور حفاظتی تدابیر اختیار نہ کرنے کی وجہ سے جان لیوا حادثات ہوتے رہتے ہیں۔
2ماہ پہلے ہی چین کے وسطی شہر چانگشا میں 1 گاڑی نے پیدل چلنے والوں کو کچل دیا تھا جس میں 8 افرادجان سے گئے اور 5 زخمی ہوگئے تھے۔
