179
بھارت، ٹرین ڈرائیور نے بڑی مہارت اور چالاکی کیساتھ 5 شیروں کی جان بچالی۔
غیر ملکی میڈیا کے مطابق یہ واقعہ ریاست گجرات کے ضلع امریلی میں پیش آیا جہاں مال گاڑی اپنی منزل کی جانب جارہی تھی۔
حکام کے مطابق صبح تقریباََ 4 بجے واقعہ پیش آیا، بھوپیندر مینا نامی ڈرائیور ایک مال گاڑی چلا رہا تھا کہ اسے پٹری پر 5 شیروں کی موجودگی کی اطلاع دی گئی۔
حکام کا کہنا ہے کہ ڈرائیور کو بڑی بلیوں کی حفاظت کو یقینی بنانے کیلئے وہاں تعینات محکمہ جنگلات کے ٹریکرز نے ٹارچ لائٹ کے ذریعے پٹریوں پر 5 شیروں کی موجودگی کے بارے میں بتایا۔
حکام کے مطابق اطلاعات ملتے ہی ڈرائیور نے مہارت سے ایمرجنسی بریک لگائی اور ٹرین کو روک دیا جب کہ پٹریوں سے شیروں کے ہٹنے کے بعد ٹرین اپنی منزل کی جانب روانہ ہوگئی۔
غیر ملکی میڈیا کے مطابق یہ اس ماہ کا دوسرا واقعہ ہے جہاں پٹریوں پر موجود شیروں کی زندگیوں کو بحفاظت ایمرجنسی بریک لگا کر بچایا گیا ہے۔
