لڑکوں نے اپنے دوست کو نیا موبائل فون خریدنے کی ٹریٹ نہ دینے پر قتل کردیا۔
بھارت، دارالحکومت نئی دہلی میں 3 لڑکوں نے اپنے دوست کو نیا موبائل فون خریدنے کے بعد ٹریٹ نہ دینے پر موت کے گھاٹ اتار دیا۔
غیر ملکی میڈیا کے مطابق افسوسناک قتل کا واقعہ نئی دہلی کے علاقے شکرپور میں پیش آیا جہاں ایک 16 سالہ لڑکے سچن کو اس کے 3 دوستوں نے مبینہ طور پر نیا موبائل خریدنے کی خوشی میں ٹریٹ نہ دینے پر موت کے گھاٹ اتار دیا۔
افسوسناک واقعہ کل شام 7 بجے کے قریب پیش آیا جہاں گشت پر موجود پولیس کو شکرپور کے علاقے میں ایک جگہ خون کے دھبے ملے تھے۔
غیر ملکی میڈیا کے مطابق پولیس نے تحقیقات کیں تو یہ پتا چلا کہ ایک نوجوان کو اس کے 3 دوستوں نے ٹریٹ نہ دینے پر چاقو کے وار کرکے زخمی کیا، زخمی نوجوان زخموں کی تاب نہ لاتے ہوئے جان کی بازی ہار گیا۔
پولیس کے مطابق نوجوان کے قتل کا مقدمہ درج کرلیا گیا ہے اور ملزمان کی گرفتاری کے لیے پولیس کی جانب سے تحرک جاری ہے۔
