نئے سری لنکن صدر انورا کمارا ڈسانائیکے نے حلف اٹھالیا۔
سری لنکا، نئے صدر انورا کمارا ڈسانائیکے نے حلف اٹھالیا، نئے سری لنکن صدر کا تعلق نیشنل پیپلز پاور اتحاد سے ہے۔
غیر ملکی میڈیا کے مطابق انورا کمارا ڈسانائیکے نے گزشتہ روز الیکشنز میں کامیابی حاصل کی تھی، 55 سالہ انورا کمارا نے اپوزیشن رہنما ساجیت پریماداسا کو شکست دے دی اور اپنی کامیابی پرکہنا تھا کہ ترقی اور استحکام کے ہمارے خواب نئی شروعات سے پورے ہوں گے۔
دوسری جانب سری لنکن وزیرِ اعظم دنیش گناواردینا کی جانب سے استعفیٰ دے دیا گیا ہے، وزیرِ اعظم دنیش گناواردینا کی جانب سے سماجی رابطے کی ویب سائٹ ایکس پر مستعفی ہونے کا اعلان کیا گیا ہے۔
یاد رہے کہ 2022ء کے معاشی دیوالیے کے بعد سری لنکا میں پہلے صدارتی الیکشنز ہوئے ہیں جن میں کوئی امیدوار بھی 50 فیصد ووٹ حاصل نہیں کر سکا۔
دوسری جانب ایران کی پاسداران انقلاب کی جانب سے اسرائیل کیساتھ مل کر کام کرنے والے 12 افراد کو حراست میں لیا گیا ہے۔
غیر ملکی میڈیا کے مطابق ذرائع پاسداران انقلاب کی جانب سے 12 جاسوسوں کی گرفتاری کی تصدیق کرتے ہوئے یہ بتایا گیا ہے کہ گرفتار کیے گئے تمام افراد دشمن ملک اسرائیل کے لیے کام کرتے تھے۔
