تل ابیب ، غزہ میں ہونیوالی جھڑپوں میں مزید 4 اسرائیلی فوجی مارے گئے ہیں۔
غیر ملکی میڈیا کا بتانا ہے کہ غزہ میں حماس کیساتھ لڑائی میں 4 اسرائیلی فوجی مارے گئے ہیں جبکہ 6 سپاہی زخمی بھی ہوئے۔
غیر ملکی رپورٹ کے مطابق اسرائیلی دفاعی فورسز (آئی ڈی ایف) کی جانب سے سپاہیوں کے مارے جانے کی تصدیق کرتے ہوئے بتایا گیا کہ فوجیوں کو حماس کی جانب سے دھماکہ خیز مواد سے نشانہ بنایا گیا جبکہ فائرنگ کے تبادلے میں بھی فوجی ہلاک اور زخمی ہوئے۔
غیر ملکی میڈیا کے مطابق ہلاک ہونیوالوں کی عمریں 19 سے 37 سال کے درمیان ہیں جبکہ زخمی ہونے والے 2 فوجیوں کی حالت تشویشناک بتائی جارہی ہے۔
دوسری جانب پناہ گزینوں کے حوالے سے یورپی یونین کے ادارے نےاعداد وشمار جاری کردیئے۔
یورپی ادارہ کا بتانا ہے کہ 2024 میں یورپی یونین میں پناہ لینے کی درخواستوں میں تقریباً 12 فیصد کمی ہوئی ہے، جرمنی میں پناہ کی درخواستوں میں 2023 کے مقابلے میں 30 فیصد کمی آئی۔
