172
بھارت، شوہر نے بیوی کے روڈ حادثے میں زخمی ہونے پر اپنے خلاف شکایت درج کروا دی۔
بھارتی شہر اندور سے تعلق رکھنے والے شخص نے بیوی کے روڈ حادثے میں زخمی ہونے پر اپنے خلاف شکایت درج کروا دی۔
غیر ملکی میڈیا کے مطابق پولیس نے تفصیلات بتائی ہیں کہ روی گوڑ اپنی اہلیہ اور 2 برس کے بچے کیساتھ اسکوٹر پر جا رہا تھا کہ سڑک پر موجود گڑھے کی وجہ سے اسکوٹر کو حادثہ پیش آیا۔
پولیس کا کہنا تھا کہ اسکوٹر گرنے سے روی کی بیوی گری اور اسے سر اور ٹانگوں پر زخم آئے جسے فوری طبی امداد کیلئے اسپتال روانہ کیا گیا، اطلاع ملتے ہی پولیس موقع پر ہی پہنچ گئی۔
پولیس کا یہ کہنا تھا کہ زخمی خاتون کسی بھی قسم کا بیان دینے کی حالت میں نہیں تھی تاہم شوہر روی نے تمام تر الزامات کو اپنے سر لیتے ہوئے خود کو بیوی کے زخمی ہونے کا ذمہ دار ٹھہرایا اور اپنے خلاف مقدمہ درج کروا دیا۔
