سعودی عرب، سیاحت کے فروغ کیلئے ہوٹلوں پر عائد لائسنس فیس ختم کردی گئی ہے۔
سعودی عرب کی جانب سے یہ اعلان کیا گیا ہے کہ مملکت میں ہوٹلوں کے لیے کاروباری سرگرمیوں کے لیے عائد لائسنس فیس ختم کر دی گئی ہے۔
سعودی عرب میں سیاحت کو مزید آسان بنانے کے لئے یہ قدم اٹھایا گیا ہے۔
غیر ملکی میڈیا کے مطابق سعودی عرب کی طرف سے دی گئی اس نئی سہولت سے ہوٹل اپارٹمنٹس اور رہائشی ریزالٓٹس بھی فائدہ اٹھا سکیں گے۔
یہ نوٹیفکیشن گزشتہ روز 4 ستمبر کو جاری کیا گیا تھا اور اس پر عملدرآمد کا آغاز ہو گیا ہے۔
یہ حکم نامہ مملکت میں سیاحتی فروغ کے لیے سرمایہ کاری کو مضبوط کرنے کیلئے جاری کیا گیا ہے جس کی خاطر مارچ میں مہم شروع کی گئی تھی، تاکہ سعودی عرب عالمی سیاحت کا محور بن سکے۔
رپورٹ میں یہ کہا گیا ہے کہ یہ اقدام مملکت کے سیاحت کے لیے ویژن 2030 کے اہداف حاصل کرنے کے لیے ہے، اس فیصلے سے ملکی ہوٹل انڈسٹری اور سیاحت دونوں میں مزید سرمایہ کاری ممکن ہو سکے گی۔
