سعودی حکومت کی جانب سے بیمار افراد کے حج کرنے پر پابندی عائد کردی گئی ہے۔
سعودی وزارت حج و عمرہ نے پاکستان کی وزارت مذہبی امور کو حج 2025 سے متعلق ہیلتھ ایڈوائزری بھیج دی ہے۔
ہیلتھ ایڈوائزری کے مطابق پاکستان کو آگاہ کیا گیا ہے کہ پیچیدہ امراض میں مبتلا افراد سفر حج پر روانہ نہیں ہو سکیں گے، صرف تندرست اور توانا افراد ہی حج پر آ سکیں گے۔
مذہبی امور کے ترجمان کا کہنا ہے کہ سعودی حکومت نے مراسلے میں یہ کہا ہے کہ موسم کی شدت کے پیش نظر صرف تندرست عازمین کو سفر حج کی اجازت دی جائے گی۔
گردہ، دل، پھیپھڑے، جگر اور کینسر کے مریضوں کو حج کے سفر کی اجازت نہیں ہو گی، ترجمان مذہبی امور کا کہنا ہے کہ ڈیمنشیا اور متعدی امراض مثلاََ ٹی بی، تپ دق، کالی کھانسی میں مبتلا افراد کو حج کی ادائیگی کیلئے سفر کرنے کی اجازت نہیں ہوگی۔
12 سال سے کم عمر بچوں اور حاملہ خواتین کو بھی حج کرنے کی اجازت نہیں ہوگی، عازمین حج کے لیے گردن توڑ بخار، کورونا اور پولیو ویکسین لگوانا لازمی ہوگا۔
