بھارت، زمینی جھگڑے کی بنیاد پر نچلی ذات والوں کے درجنوں گھروں کو نذر آتش کردیا گیا۔
غیر ملکی میڈیا کے مطابق ریاست بیہار کے ضلع نوادہ میں بدھ کی شام کو درجنوں گھروں کو آگ لگانے کا انتہائی افسوسناک واقعہ پیش آیا ہے۔
پولیس کا کہنا ہے کہ واقعے کی اطلاع ملتے ہی پولیس اور فائر بریگیڈ کے عملے کیساتھ موقع پر فوری پہنچ گئی اور آگ پر قابو پایا۔
پولیس کا کہنا ہے کہ علاقہ مکینوں نے بتایا کہ ایک گروہ نے گھروں کو آگ لگانا شروع کی جب کہ گھروں کو نذر آتش کرنے کے ساتھ ساتھ ہوائی فائرنگ بھی کی گئی۔
پولیس کے مطابق ابتدائی تفتیش سے یہ معلوم ہوا کہ یہ واقعہ زمین کے جھگڑے کے متعلق ہوسکتا ہے، تاہم مقدمہ درج کرکے 10 افراد کو گرفتار کیا گیا ہے اور دیگر کی تلاش جاری ہے۔
دوسری جانب اپوزیشن جماعتوں نے حکومت کو تنقید کا نشانہ بناتے ہوئے یہ کہا کہ دلت (نچلی ذات) والوں پر مظالم کو برداشت نہیں کیا جائے گا۔
غیر ملکی میڈیا کے مطابق کسی بھی جانی نقصان اور زخمیوں کی تعداد نہیں بتائی گئی۔
