140
بیروت، حسن نصراللہ کی شہادت کے بعد تنظیم کے عبوری سربراہ اور ڈپٹی چیف نعیم قاسم کی جانب سے اپنے پہلے خطاب میں گفتگو کرتے ہوئے مقاصد سے پیچھے نہ ہٹنے کا عزم ظاہر کیا گیا ہے۔
عبوری سربراہ حزب اللہ نعیم قاسم کی جانب سے اپنے خطاب میں کہا گیا ہے کہ ہم نے اپنا لیڈر اور بھائی کھویا ہے جو اپنے فائٹرز سے پیار کرتے تھے۔
عبوری سربراہ حزب اللہ نے کہا کہ ہم تاخیر کے بجائے اپنے نئے سربراہ کا انتخاب کریں گے اور ہم لبنان کی حفاظت اور غزہ کی حمایت کے اپنے مقصد سے کبھی بھی پیچھے نہیں ہٹیں گے۔
نعیم قاسم کا کہنا تھا کہ ہم اسرائیل کے اندر 150 کلومیٹر حملے کرتے رہے ہیں، حسن نصراللہ کی شہادت کے بعد بھی ہماری کارروائیاں جاری رہیں گی، بلکہ ان میں مزید اضافہ ہوگا، اگر اسرائیل لبنان میں زمینی کارروائی کرتا ہے تو ہم اس کے لیے تیار ہیں۔
عبوری سربراہ حزب اللہ کا کہنا تھا کہ اسرائیل اپنے مقاصد میں کامیاب نہیں ہوگا اور ہم جیتیں گے جس طرح ہم 2006 کی جنگ میں اسرائیل سے جیتے تھے۔
