بھارت، افسوسناک واقعے میں جہیز کا مطالبہ پورا نہ کرنے پر لالچی شوہر نے بیوی کو موت کے گھاٹ اتار دیا ہے۔
غیر ملکی میڈیا کے مطابق ریاست اتر پردیش کے شہر امروہہ میں ایک لالچی شوہر نے شادی پر اپنے سسرال والوں سے جہیز میں ایک لگژری بائیک اور 3 لاکھ روپے کا مطالبہ کیا۔
غیر ملکی میڈیا کے مطابق امروہہ کے بے خدا گاؤں سے تعلق رکھنے والے سندر نے مینا نامی لڑکی سے 2 سال پہلے شادی کی تھی اور وہ جہیز لانے کے لیے اپنی بیوی پر مسلسل دباؤ ڈال رہا تھا جس پر اس کی بیوی کچھ عرصہ پہلے اپنے میکے چلی گئی تھی۔
غیر ملکی میڈیا کے مطابق مینا نے اس بارے میں اپنے والد کو بھی بتایا تھا اور سندر روزانہ اپنے سسرال اس سے ملنے آتا اور وہاں کھانا پینا بھی کرتا تھا، سندر اتوار کے روز بھی اپنے سسرال آیا اور بیوی مینا کو اپنے ساتھ گھر لے گیا۔
غیر ملکی میڈیا کے مطابق گھر لاکر سندر نے اپنی زوجہ مینا کو پھر جہیز نہ لانے کے طعنے دیے اور تکرار کرنے پر اسے لاٹھی سے پیٹنا شروع کر دیا، اسے گلہ دبا کر قتل کرکے موقع سے فرار ہوگیا۔
مقامی افراد کی جانب سے پولیس کو معاملے کی اطلاع دی گئی اور پھر پولیس نے متاثرہ لڑکی کے والد کی درخواست پر اس کے شوہر کے خلاف درخواست دائر کر کے معاملے کی تفتیش شروع کر دی۔
