133
سابق صدر ڈونلڈ ٹرمپ کا کہنا ہے کہ صدر جوبائیڈن اور کملا ہیرس کے بیانات سے متاثر ہوکر مشتبہ شخص مجھ پر حملہ کرنے کی غرض سے آیا۔
نیویارک، سابق صدر ڈونلڈ ٹرمپ کی جانب سے یہ دعویٰ کیا گیا ہے کہ حملہ آور صدر جوبائیڈن اور کملا ہیرس کے بیانات سے متاثر ہو کر ویسٹ پام بیچ آیا تھا تا کہ قاتلانہ حملہ کر سکے۔
غیر ملکی میڈیا کے مطابق ڈونلڈ ٹرمپ کی جانب سے یہ الزام لگایا گیا ہے کہ ڈیموکریٹس کی بیان بازی ہی ان پر گولیاں چلوا رہی ہے، وہ ملک کو بچانا چاہتے ہیں اور یہ بائیڈن اور کملا ہیں جو ملک کو اندرونی اور بیرونی طور پر تباہ کر رہے ہیں۔
واضح رہے کہ گزشتہ روز بندوق بردار شخص 12 گھنٹے تک سکستھ ہول کے قریب درختوں میں چھپا رہا اور پھر اپنی کلاشنکوف کا رخ گالف کورس کی طرف کردیا جہاں ڈونلڈ ٹرمپ اور ان کے مہمان کھیل میں مصروف تھے۔
سابق صدر سے آگے چلنے والے سیکرٹ سروس ایجنٹ نے روتھ کی بندوق کی نال دیکھتے ہی ملزم پر فائرنگ شروع کر دی جس پر روتھ بغیر فائرنگ کیے ہی فرار ہوگیا تھا۔
