314
برلن، جرمنی کی جانب سے عدالتی کیسز کے دباؤ پر اسرائیل کو ہتھیاروں کی برآمد کی منظوری روک دی گئی ہے۔
غیر ملکی میڈیا کے مطابق کیسز میں یہ کہا گیا ہے کہ جرمن ہتھیاروں کی برآمدات انسانی قانون کی خلاف ورزی کرتی ہیں۔
رواں سال جرمنی کی اسرائیل کو جنگی ہتھیاروں کی برآمدات میں بہت کمی دیکھی گئی ہے۔
جرمنی نے اسرائیل کے لیے جنوری تا اگست صرف 14.5 ملین یورو مالیت کے ہتھیاروں کی منظوری دی ہے۔
گزشتہ سال جرمنی نے اسرائیل کو 326.5 ملین ڈالرز مالیت کے ہتھیاروں کی منظوری دی تھی۔
غیر ملکی میڈیا کے مطابق اس متعلق برلن کا مؤقف ہے کہ اسرائیل کے خلاف ہتھیاروں کا بائیکاٹ نہیں کیا، دیگر یورپی ممالک بھی اسرائیل کو ہتھیاروں کی برآمد روک رہے ہیں۔
