172
بھارت کی جانب سے اسلامک اسکالر ڈاکٹر ذاکر نائیک کے پاکستان کے دورے اور ان کے خیر مقدم پر اظہارِ مایوسی کیا گیا ہے۔
غیر ملکی میڈیا کے مطابق ترجمان بھارتی وزارتِ خارجہ رندھیر جیسوال کی جانب سے پریس بریفنگ میں کہا گیا ہے کہ بھارت نے ڈاکٹر ذاکرنائیک کے پاکستان میں ہونے اور ان کے پر جوش خیر مقدم کی رپورٹس دیکھی ہیں۔
یہ افسوسناک اور قابلِ مذمت ہے تاہم ان کے بقول یہ حیرت انگیز نہیں ہے، جب رندھیر جیسوال سے ڈاکٹر ذاکر نائیک کے پاسپورٹ کے بارے میں سوال پوچھا گیا تو انھوں نے کہا کہ انہیں یہ معلوم نہیں کہ وہ کس پاسپورٹ پر پاکستان کا دورہ کر رہے ہیں۔
غیر ملکی میڈیا کا کہنا ہے کہ ترجمان وزارتِ خارجہ کے بیان کے فوری بعد بھارت میں ڈاکٹر ذاکر نائیک کا سوشل میڈیا پلیٹ فارم ایکس اکاؤنٹ معطل کیا گیا۔
ڈاکٹ ذاکر نائیک کے اکاؤنٹ پر وزٹ کرنے پر وہاں لکھا ہے کہ قانونی مطالبات کے باعث بھارت میں ذاکر نائیک کا اکاؤنٹ معطل کردیا گیا ہے۔
