تہران، ایران کی جانب سے ملک میں فضائی سفر پر عائد پابندی ختم کردی گئی۔
غیر ملکی میڈیا کا کہنا ہے کہ ایران نے صورتحال معمول پر آنے کے بعد فضائی سفر پر عائد پابندیوں کو ختم کردیا ۔
غیر ملکی میڈیا رپورٹس کے مطابق ایران کی سول ایوی ایشن اتھارٹی نے فضائی سفر کے لیے ماحول کو محفوظ قرار دیا ہے، جسکے بعد سفری پابندیوں کو ختم کردیا گیا ہے۔
اس سے پہلے ترجمان ایرانی سول ایوی ایشن اتھارٹی نے کہا کہ تمام پروازیں سوموار کی رات 9 بجے تک منسوخ کردی گئی ہیں۔
تاہم صورتحال سازگار ہونے اور فضائی سفر محفوظ ہونے کی یقین دہانی کے بعد سول ایوی ایشن کی جانب سے پابندیاں اٹھانے کا اعلان کرتے ہوئے یہ کہا گیا کہ تمام سفری پابندیاں ختم کرنے کے بعد ائیرلائنز اب اپنے آپریشنز شروع کرسکتی ہیں۔
اس سے پہلے ایران میں وجہ بتائے بغیر ائیرلائنز کو آپریشنز روکنے کے احکامات جاری کیے گئے، تاہم ایران کی جانب سے اسرائیل پر میزائل حملوں کے بعد فلائٹ آپریشنز بند کیے گئے تھے۔
