130
ایران، بس الٹنے سے 10 افراد جان کی بازی ہار گئے۔
وسطی ایران کے علاقے میں بس الٹنے سے 10 افراد جان کی بازی ہارگئے۔
غیر ملکی میڈیا کے مطابق بس الٹنے کا واقعہ صوبہ یزد میں پیش آیا جہاں بس مسافروں کو لیکر جنوب مغربی ایران کے بوشہر اور شمال مشرق میں مشہد کے شہروں کے درمیان سفر کررہی تھی۔
غیر ملکی میڈیا کے مطابق مسافروں کی کل تعداد ظاہر کیے بغیر بتایا گیا ہے کہ افسوسناک حادثے میں 10 افراد جان کی بازی ہار گئے اور 41 کے قریب افراد زخمی ہوئے، زخمی اور لاشوں کو فوری طور پر اسپتال منتقل کردیا گیا ہے۔
یاد رہے کہ ایران میں اکثر روڈ حادثات میں افسوسناک واقعات پیش آتے ہیں، جس میں قیمتی جانوں کا ضیاع ہوتا رہتا ہے، جہاں گزشتہ ماہ بھی پاکستان سے ایران جانے والے زائرین کی بس کو وسطی ایران میں حادثہ پیش آیا تھا جس میں 28 سے زائد افراد جان کی بازی ہارگئے۔
