نیویارک، امریکی صدر جو بائیڈن کے بیٹے ہنٹر بائیڈن کی جانب سے ٹیکس چوری کیس میں اعتراف جرم کرلیا گیا ہے۔
غیر ملکی میڈیا کے مطابق ہنٹر بائیڈن کو 17 سال قید اور 10 لاکھ ڈالر تک جرمانہ ہوسکتا ہے۔ سابق امریکی صدر کے بیٹے کے خلاف مقدمے کا فیصلہ 16 دسمبر کو سنایا جائے گا۔
غیر ملکی میڈیا کے مطابق عمومی طور پر اس نوعیت کے کرمنل کیسز میں اعتراف جرم کورٹ ٹرائل کے بغیر پراسیکیوٹر کیساتھ ہی معاہدے کے تحت کرلیا جاتا ہے تاکہ سزا میں کمی کا امکان پیدا ہوسکے لیکن اس کیس میں ایسا نہیں کیا گیا۔
اس سے پہلے وکیل ہنٹر بائیڈن نے الزامات میں ارتکاب جرم کو تسلیم کرنے کے بغیر اعتراف جرم کرنے کیلئے الفورڈ پلی کی درخواست دی تھی جس پر پراسیکیوٹرنے اعتراض اٹھایا تھا۔
وقفے کے بعد وکیل ہنٹر بائیڈن نے عدالت کو بتایا کہ ان کے مؤکل پراسیکیوٹر سے کسی معاہدے کے بنا اور سزا میں کوئی نرمی مانگے بغیر ہی جرم کا اعتراف کرنا چاہتے ہیں۔
غیر ملکی میڈیا کے مطابق ہنٹر بائیڈن پر ٹیکس کی مد میں کم از کم 14 لاکھ ڈالر ادا نہ کرنے کا الزام تھا۔
