مشرقی افریقی ملک کوموروس کے صدر ازالی اسومانی چاقو کے حملے کے نتیجے میں زخمی ہوگئے ہیں۔
غیر ملکی میڈیا کے مطابق صدر ازالی اسومانی پر مذہبی رہنما کے جنازے میں شرکت کے دوران چاقو سے حملہ ہوا، صدر چاقو کے حملے کے نتیجے میں معمولی زخمی ہوئے۔
غیر ملکی میڈیا کے مطابق صدر ازالی اسومانی کو بچاتے ہوئے ایک شہری بھی زخمی ہوگیا ہے جبکہ سکیورٹی اہلکاروں کی جانب سے حملہ آور کو حراست میں لے لیا گیا ہے۔
حکومتی ترجمان کا کہنا ہے کہ صدر ازالی اسومانی کو چاقو حملے میں سنگین نوعیت کی چوٹیں نہیں آئیں، ابتدائی طبی امداد کے بعد ازالی اسومانی کو گھر منتقل کردیا گیا ہے۔
غیر ملکی میڈیا کے مطابق کوموروس کے صدر پر حملے کی وجوہات تاحال سامنے نہیں آسکی ہیں، تاہم مبینہ طور پر صدر پر حملہ کرنے والا سابق پولیس اہلکار ہے، جسے حراست میں لیکر تفتیش کا عمل شروع کردیا گیا ہے۔
واضح رہے کہ صدر کوموروس ازالی اسومانی کی جانب سے رواں برس مئی میں چوتھی مدت کے لیے کوموروس کے صدر کی حیثیت سے حلف اٹھایا گیا تھا۔
