اسرائیل کی جانب سے لبنان میں حزب اللہ کے خلاف زمینی آپریشن شروع کر دیا گیا ہے۔
جنوبی لبنان پر اسرائیلی ٹینکوں اور توپ خانے کے حملے کی اطلاعات ہیں۔
اسرائیلی میڈیا کی جانب سے یہ دعویٰ کیا گیا ہے کہ لبنان میں اسرائیلی ٹینکوں اور اٹلری سے حملے کئے گئے، جنوبی لبنان میں دھماکوں کی آوازیں بھی سنی گئی ہیں۔
اسرائیلی حکام کے مطابق اسرائیلی فوج جنوبی لبنان کے دیہاتوں میں محدود پیمانے پر ٹارگٹڈ کارروائیاں کرے گی، جس کا مقصد اسرائیل کی سرحد کیساتھ حزب اللہ کے ٹھکانوں کو تباہ کرنا ہے۔
غیر ملکی اخبار کے مطابق امریکا نے لبنان میں اسرائیلی فوج کی جانب سے محدود جنگ چھیڑنے کی تصدیق کر دی لبنان کی فوجیں شمالی سرحد سے 5 کلومیٹر پیچھے ہٹ گئی ہیں۔
دوسری جانب حسن نصراللہ کی شہادت کے بعد تنظیم کے عبوری سربراہ اور ڈپٹی چیف نعیم قاسم کی جانب سے اپنے پہلے خطاب میں گفتگو کرتے ہوئے مقاصد سے پیچھے نہ ہٹنے کا عزم ظاہر کیا گیا ہے۔
عبوری سربراہ حزب اللہ نعیم قاسم کی جانب سے اپنے خطاب میں کہا گیا ہے کہ ہم نے اپنا لیڈر اور بھائی کھویا ہے جو اپنے فائٹرز سے پیار کرتے تھے۔
