اسرائیل کی غزہ میں بمباری میں 38 فلسطینی شہید کردیے گئے۔
اسرائیلی فورسز کی جانب سے غزہ کے پناہ گزین کیمپوں پر بمباری کرتے ہوئے مزید 38 سے زیادہ فلسطینی شہید کردیے گئے ہیں۔
غیر ملکی میڈیا کے مطابق اسرائیلی فورسز نے غزہ میں اپنے حملے جاری رکھے ہوئے ہیں، جہاں غزہ میں پناہ گزینوں کے کیمپ پر بمباری کی گئی جس میں 38 فلسطیی شہید کردیے گئے۔
علاوہ ازیں، اقوام متحدہ نے غزہ میں پولیو ویکسی نیشن مہم کا دوسرا مرحلہ ستمبر کے آخر میں شروع کرنے کا اعلان کیا ہے جب کہ پہلے مرحلے میں 90 فیصد بچوں کی ویکسینیشن ہوئی ہے۔
دوسری جانب یمن کے حوثی گروپ کی جانب سے اسرائیل پر بیلسٹک میزائل حملہ کیا گیا، جس پر سربراہ حماس یحییٰ سنوار نے حوثیوں کی تعریف کی اور مبارک باد دیتے ہوئے یہ کہا کہ یقین ہے غزہ، لبنان، عراق اور یمن کے مزاحمتی گروپ اسرائیل کے عزائم کو ناکام بنا دیں گے۔
ادھر اقوام متحدہ کی نمائندہ خصوصی فرانسسکا البانیز نے رکن ممالک کی جانب سے غزہ میں اسرائیل کی نسل کشی مہم رکوانے میں ناکامی کا اعتراف کیا گیا ہے۔
