اسرائیل فوج کے غزہ میں اسکول اور مہاجرین کیمپ پر حملے میں 13 فلسطینی شہید ہوگئے۔
غیر ملکی میڈیا کے مطابق اسرائیل کی جانب سے شمالی غزہ اور وسطی غزہ میں حملوں کی تصدیق کر دی گئی ہے۔
اسرائیل کے مطابق شمالی غزہ میں حلیمہ السعدیہ اسکول کو نشانہ بنایا جہاں 8 پناہ گزین اور نصیرت کیمپ پر حملے میں 5 پناہ گزین جان کی بازی ہارگئے۔
دوسری جانب اسرائیلی فوج کی جانب سے جمعہ کے روز بھی غزہ کی پٹی پر مسلسل حملے جاری رہے جس کے نتیجے میں 33 فلسطینی شہید ہوگئے۔
اسکے علاوہ امریکا اور برطانیہ کے انٹیلی جنس چیفس کے مطابق دونوں طرف سے غزہ میں سیز فائر کے لیے مسلسل کام کیا جارہا ہے۔
فنانش ٹائمز میں شائع ایک کالم میں سی آئی اے ڈائریکٹر ولیم برنس اور ایم آئی 16 کے سربراہ نے یہ لکھا ہے کہ ہماری ایجنسیز نے غزہ میں تشدد کو کم کرنے کے لیے اپنے انٹیلی جنس چینلز کو پوری طرح استعمال میں لایا ہے۔
انٹیلی جنس چیفس کے مطابق غزہ میں سیز فائر عام فلسطینیوں کی زندگیوں کو بچاسکتا ہے اور 11 مہینوں سے یرغمال لوگ بھی اس سے واپس آسکتے ہیں۔
