223
فلسطینیوں سے اظہار یکجہتی پر پولیس نے 10 سالہ بچے کو حراست میں لے لیا۔
جرمنی، فلسطینیوں سے اظہارِ یکجہتی کرنے کے سلسلے میں پولیس کی جانب سے لوگوں کے خلاف کریک ڈاؤن کے دوران 10 سالہ بچے کو بھی حراست میں لے لیا گیا ہے۔
غیر ملکی میڈیا کے مطابق جرمنی میں اسرائیلی مظالم کے خلاف فلسطینیوں سے اظہارِ یکجہتی کرتے لوگوں کے خلاف پولیس نے کریک ڈاؤن کا آغاز کیا، جس دوران 10 سالہ بچے کو بھی گرفتار کرلیا گیا ہے۔
غیر ملکی میڈیا کے مطابق کریک ڈاؤن کے دوران غزہ کا پرچم لہراتا 10 سال کا بچہ بھی نہ بچ سکا، خوفزدہ بچے نے اپنے آپ کو پولیس سے بچانے کی کوشش کی لیکن بلآخر پولیس اہل کاروں کیجانب سے اسے حراست میں لیا گیا۔
بچے کو حراست میں لینے کی تصاویر سوشل میڈیا پر وائرل ہوگئیں جس کے بعد سوشل میڈیا صارفین کی جانب سے بچے کو خوف زدہ کرنے اور حراست میں لینے کی مذمت کا سلسلہ جاری ہے۔
