183
مسقط،عمان نے 10 روزہ مفت سیاحتی ویزا دینے کا اعلان کردیا ہے۔
غیر ملکی میڈیا کے مطابق عمان کی جانب سے بحری جہازوں کے مسافروں اور عملے کے ارکان کے لیے 10 روزہ مفت سیاحتی ویزے کا اعلان کیا گیا ہے۔
غیر ملکی میڈیا کے مطابق یہ اعلان انسپکٹر جنرل آف پولیس اینڈ کسٹمز، لیفٹیننٹ جنرل حسن بن محسن الشوراقی کی جانب سے کیا گیا ہے، جس میں غیر ملکیوں کے رہائشی قانون کے ایگزیکٹو قواعد کے کچھ شقوں میں ترمیم کی گئی ہے۔
عمان کے نئے قواعد و ضوابط کے مطابق سیاحوں اور عملے کے لیے 10 دن کے ویزے کی اجازت دی گئی ہے، جو ٹورسٹ شپ ایجنٹ کی درخواست پر جاری کیا جاتا ہے، جس میں 30 دن کے اندر اندراج ضروری ہے۔
اسی طرح کی شرائط کے تحت 1 ماہ کا ویزا دستیاب ہے، فیصلہ عمان میں سیاحت کی صنعت کو فروغ دینے کے لیے کیا گیا، تاکہ سیاحت کو فروغ مل سکے۔
