273
سعودی عرب نے غیرملکی ملازمین کو سہولیات دینے کے سلسلے میں دوسرا بہترین ملک ہونے کا اعزاز حاصل کرلیا ہے۔
جرمن انٹرنیشنز نیٹ ورک نے کسی بھی ملک میں غیرملکی ملازمین کو سہولیات فراہم کرنے کے سلسلے میں گزشتہ ماہ سروے کرایا تھا، جس میں سعودی عرب دنیا میں غیر ملکی ملازمین کے لیے ایک بہترین ملک کے طور پر دوسرے نمبر پر آیا ہے۔
بیرون ملک کام کرنے والے ملازمین کو سہولت دینے کے لحاظ سے انڈیکس میں ڈنمارک پہلے نمبر پر ہے، سعودی عرب کو سروے میں شامل نصف سے زیادہ شرکا نے ایک بہترین لیبر مارکیٹ قرار دیا ہے۔
سروے کے مطابق سعودی عرب میں 75 فیصد تارکین وطن کارکنوں کے مطابق ملک میں ملازمت کرنے سے ان کے کیریئر میں بہتری کے امکانات بہت زیادہ بڑھ گئے ہیں۔
سروے کے 5 اشاریوں کے باعث سعودیہ غیر ملکی کارکنوں کیلئے بہترین مقامات کے لحاظ سے بھی دنیا کے ٹاپ ٹین ممالک میں شامل ہوا۔
