143
اسرائیل کے بیروت پر حملے کے نتیجے میں سینئر کمانڈر حزب اللہ ابراہیم عاقل سمیت 12 افراد شہید ہوگئے۔
اسرائیل کی جانب سے لبنان کے دارالحکومت بیروت پر حملہ کیا گیا ہے جس میں حزب اللہ کے سینئر آپریشنز کمانڈر ابراہیم عاقل سمیت 12 افراد شہید جبکہ 66 زخمی ہوگئے۔
حزب اللہ کی جانب سے تصدیق کی گئی کہ اسرائیل نے شمالی علاقے میں اہم انٹیلی جنس ہیڈ کوارٹرز پر حملہ کیا، لبنانی وزیر اعظم نے کہا کہ اسرائیل کسی بھی انسانی، قانونی یا اخلاقی تحفظات کو کوئی اہمیت نہیں دیتا۔
دوسری جانب وائٹ ہاوس کا کہنا تھا کہ بیروت پر اسرائیلی حملوں کے حوالے سے پیشگی اطلاع نہیں ملی، سفارتی حل مشرق وسطیٰ میں آگے بڑھنے کا ایک بہترین راستہ ہے۔
قیدیوں کی رہائی اور جنگ بندی کے معاہدے پر کسی نے امید نہیں چھوڑی، جنگ بندی معاہدے پر آگے بڑھنے کا راستہ تلاش کرنا دشوار ثابت ہو رہا ہے۔
