206
سابق چیف سلیکٹر پاکستان کرکٹ ٹیم محمد وسیم کا کہنا ہے کہ سابق کپتان بابر اعظم بہت ضدی تھے اور مزاحمت کرتے تھے۔
پاکستان کی اسپورٹس ویب سائٹ ”کرکٹ پاکستان“ کو دیے گئے انٹرویو میں سابق چیف سلیکٹر محمد وسیم نے کہا کہ اسکواڈ میں تبدیلیوں کے متعلق بابر اعظم کو سمجھانا بہت مشکل تھا کیونکہ وہ چینجز کو قبول کرنے کو تیار نہیں ہیں۔
چیف سلیکٹر کا یہ کہنا تھا کہ میں کسی کا نام نہیں لوں گا لیکن قومی ٹیم میں 4 کوچز کے باعث مختلف گروپس بن چکے ہیں جو کینسر کی شکل اختیار کررہے ہیں، اگر وہ اسکواڈ کا حصہ ہونگے تو پاکستان نہیں جیت سکتا۔
محمد وسیم نے کہا کہ میں نے انہیں ٹیم سے ہٹانے کی بہت کوشش کی لیکن ٹیم انتظامیہ نے انہیں واپس بلا لیا۔
چیف سلیکٹر کا کہنا تھا کہ ٹی ٹوئنٹی ورلڈکپ کے دوران آل راؤنڈر عماد وسیم کی انجری چھپائی گئی، ہم ہمیشہ اعظم خان کی فٹنس کے متعلق بات کرتے ہیں لیکن عماد بھی اسی کا شکار ہیں۔
