75
آئی سی سی ویمنز کرکٹ ورلڈ کپ میں پاکستان ویمنز ٹیم اپنی پہلی کامیابی کے لیے آج نیوزی لینڈ کے خلاف میدان میں اترے گی۔
گزشتہ میچ میں قومی ویمنز ٹیم نے انگلینڈ کے خلاف شاندار کھیل پیش کیا تھا اور جیت کے قریب تھی، تاہم بارش کے باعث میچ بغیر کسی نتیجے کے ختم ہوگیا۔
پاکستان نے دفاعی چیمپئن آسٹریلیا کے خلاف بھی متاثرکن کارکردگی دکھاتے ہوئے ان کے ٹاپ آرڈر کو تہس نہس کردیا تھا، لیکن بدقسمتی سے یہ میچ ہار گئی۔
نیوزی لینڈ کے خلاف آج ہونے والے اہم مقابلے کے لیے پاکستان ٹیم نے بیٹنگ، بولنگ اور فیلڈنگ کے شعبوں میں بھرپور مشقیں کیں۔ تاہم، بارش کے باعث ٹریننگ سیشن صرف دو گھنٹے تک محدود رہا۔
ٹیم مینجمنٹ کو امید ہے کہ آج کا میچ بارش سے متاثر نہیں ہوگا اور قومی ٹیم اپنی پہلی کامیابی حاصل کرنے میں کامیاب ہوگی۔
