پاکستان کرکٹ بورڈ (پی سی بی) نے اہم انتظامی فیصلہ کرتے ہوئے ڈائریکٹر انٹرنیشنل کرکٹ عثمان واہلہ کو ان کے عہدے سے برطرف کر دیا ہے۔
عثمان واہلہ کی برطرفی کی بنیادی وجہ آئی سی سی کو ایک اہم خط تاخیر سے لکھنا بنی۔ یہ معاملہ چیئرمین پی سی بی محسن نقوی کی نظر میں آیا، جس پر انہوں نے سخت ردعمل دیتے ہوئے فوری کارروائی کی۔ محسن نقوی نے اس موقع پر واضح کیا کہ "میرے لیے پاکستان کی عزت اور وقار سے بڑھ کر کچھ نہیں”۔
یہ فیصلہ اس وقت سامنے آیا ہے جب پاکستان کرکٹ ٹیم اور بورڈ دونوں بین الاقوامی سطح پر کارکردگی اور ساکھ کے حوالے سے دباؤ کا شکار ہیں۔ ایسے میں اعلیٰ سطح پر نظم و نسق میں غفلت کو نظر انداز نہ کرنا، بورڈ کے لیے ایک سخت مگر واضح پیغام بھی ہے۔
ایشیا کپ: پاکستان کی ناقص بیٹنگ، شائقین کو بابر اعظم کی یاد ستانے لگی
عثمان واہلہ کافی عرصے سے پی سی بی سے وابستہ تھے اور مختلف بین الاقوامی معاملات میں کلیدی کردار ادا کرتے رہے ہیں۔ ان کی برطرفی کرکٹ بورڈ کے داخلی نظم و نسق میں بڑی تبدیلی کے اشارے دے سکتی ہے۔
