حال ہی میں ریٹائرمنٹ کا اعلان کرنے والے پرتگالی اسٹار کرسٹیانو رونالڈو کو بین الاقوامی کیریئر میں پہلی بار ریڈ کارڈ ملا۔ یہ واقعہ پرتگال اور آئرلینڈ کے درمیان گزشتہ روز ہونے والے ورلڈ کپ کوالیفائر میچ کے دوران پیش آیا۔
رونالڈو کو 61 ویں منٹ میں آف دی بال ایکشن کے دوران آئرش ڈیفینڈر ڈارا اوشی کو کہنی مارنے پر میچ سے باہر بھیج دیا گیا۔ ابتدا میں ریفری گلین نیبرگ نے انہیں پیلا کارڈ دکھایا، لیکن ویڈیو اسسٹنٹ ریفری (وی اے آر) نے آن فیلڈ ریویو کے بعد ریڈ کارڈ کی ہدایت دی۔
میچ کے وقت پرتگال پہلے ہی آئرلینڈ کے خلاف 0-2 سے پیچھے تھا۔ 40 سالہ رونالڈو نے اپنے بین الاقوامی کیریئر میں 226 میچوں میں 143 گول کیے ہیں، اور یہ ان کا پہلا ریڈ کارڈ ہے، جبکہ کلب کی سطح پر انہیں 13 مرتبہ ریڈ کارڈ مل چکا ہے۔
کرسٹیانو رونالڈو کا ریٹائرمنٹ کا عندیہ
فیفا قوانین کے مطابق اس پر کم از کم 3 میچوں کی پابندی لگ سکتی ہے، جس کے نتیجے میں رونالڈو ممکنہ طور پر ورلڈ کپ کے ابتدائی میچوں سے باہر رہ سکتے ہیں۔ میچ میں آئرلینڈ نے 0-2 سے فتح حاصل کر کے 2026 ورلڈ کپ کے لیے اپنی کوالیفائنگ کی امیدیں روشن کر دی ہیں۔
