راولپنڈی کرکٹ اسٹیڈیم میں کھیلے جانے والے دوسرے اور آخری ٹیسٹ میچ کے پہلے روز پاکستان نے جنوبی افریقا کے خلاف 5 وکٹوں کے نقصان پر 259 رنز بنا لیے۔ سیریز میں پاکستان کو ایک-صفر کی برتری حاصل ہے۔
پاکستانی کپتان شان مسعود نے ٹاس جیت کر بیٹنگ کا فیصلہ کیا۔ اوپنرز عبداللہ شفیق اور امام الحق نے اننگز کا آغاز کیا۔ امام 17 رنز پر ہارمر کی گیند پر بولڈ ہوئے، جبکہ عبداللہ شفیق نے عمدہ بیٹنگ کرتے ہوئے 57 رنز اسکور کیے۔
بابر اعظم ایک بار پھر بڑی اننگز نہ کھیل سکے اور 16 رنز پر کیشو مہاراج کا شکار بنے۔ شان مسعود نے ذمہ دارانہ بیٹنگ کی اور 87 رنز کی شاندار اننگز کھیلی، جبکہ محمد رضوان 19 رنز بنا کر آؤٹ ہوئے۔
پنڈی ٹیسٹ: پاکستان کی جنوبی افریقا کے خلاف پہلی اننگز میں پراعتماد بیٹنگ جاری
اختتامِ کھیل پر سعود شکیل 42 اور آغا سلمان 10 رنز کے ساتھ وکٹ پر موجود ہیں۔ جنوبی افریقا کی طرف سے کیشو مہاراج اور ہارمر نے دو، دو وکٹیں حاصل کیں جبکہ کگیسو راباڈا نے ایک کھلاڑی کو آؤٹ کیا۔
پاکستان کی جانب سے آصف آفریدی نے 39 سال 299 دن کی عمر میں ٹیسٹ ڈیبیو کیا۔ انہیں شاہین آفریدی نے ٹیسٹ کیپ دی۔ آصف کو حسن علی کی جگہ ٹیم میں شامل کیا گیا ہے۔
جنوبی افریقی کپتان ایڈن مارکرم نے کہا کہ اگر وہ ٹاس جیتتے تو بیٹنگ ہی کرتے۔ ان کی ٹیم میں بھی دو تبدیلیاں کی گئیں، جن میں کیشو مہاراج اور مارکو جینسن کو شامل کیا گیا۔
