افغانستان کے اسٹار آل راؤنڈر راشد خان کے بڑے بھائی حاجی عبدالحلیم شینواری کا انتقال ہوگیا ہے، جس پر کرکٹ کی دنیا غمگین ہوگئی۔
اس افسوسناک خبر پر پاکستان اور افغانستان کے کرکٹ کھلاڑیوں نے اپنے دلی تعزیتی پیغامات دیے اور راشد خان اور ان کے خاندان کے لیے دعائیں کیں۔
پاکستان کرکٹ ٹیم نے جمعہ کو ہونے والے ٹرائی نیشن سیریز کے پہلے ٹی20 میچ کے بعد راشد خان کے بھائی کی وفات پر خراج عقیدت پیش کیا۔ اس دوران کھلاڑیوں نے راشد خان کے ساتھ یکجہتی کا اظہار کیا، اور ان کے دکھ میں شریک ہونے کے لیے ایک لمحے کی خاموشی اختیار کی۔
تین ملکی سیریز کا پہلا میچ: پاکستان نے افغانستان کو 39 رنز سے شکست دے دی
پاکستان اور افغانستان کے درمیان اس میچ میں پاکستان نے 39 رنز سے کامیابی حاصل کی، جس میں سلمان علی آغا، محمد نواز اور فہیم اشرف کی شاندار بلے بازی نے اہم کردار ادا کیا۔ راشد خان نے بھی اپنی ٹیم کی حوصلہ افزائی کے لیے 16 گیندوں پر 39 رنز کی مختصر لیکن مؤثر اننگز کھیل کر اپنا کردار ادا کیا۔
Pakistan team offers condolences and prayers on the death of Rashid Khan’s elder brother. #PakistanCricket #RashidKhan pic.twitter.com/gxwvXyYdnG
— Ahtasham Riaz (@ahtashamriaz22) August 29, 2025
