5
پاکستان کے نامور ٹینس اسٹار اعصام الحق نے بین الاقوامی ٹینس کیریئر سے ریٹائرمنٹ کا اعلان کر دیا ہے۔ انہوں نے یہ اعلان پاکستان کے پہلے اے ٹی پی چیلنجر کپ کے افتتاح کے موقع پر کیا۔
اسلام آباد میں جاری اس ٹورنامنٹ کو اعصام الحق کا آخری انٹرنیشنل ایونٹ قرار دیا گیا ہے، جس میں وہ مزمل مرتضیٰ کے ساتھ ڈبلز مقابلے میں حصہ لیں گے۔
اعصام الحق نے دو دہائیوں تک بین الاقوامی ٹینس مقابلوں میں پاکستان کی نمائندگی کی اور اپنے کیریئر میں 18 اے ٹی پی ٹائٹلز جیتے۔ 2010 میں وہ یو ایس اوپن مینز ڈبلز اور مکسڈ ڈبلز کے فائنل تک پہنچنے والے واحد پاکستانی ٹینس کھلاڑی بنے۔
ابو بہت ڈانٹیں گے، نسیم شاہ کا مداح کو معصومانہ جواب
ان کی شاندار کارکردگی نے پاکستان میں ٹینس کی مقبولیت بڑھانے میں اہم کردار ادا کیا اور وہ ملک کے کامیاب ترین ٹینس اسٹارز میں شمار ہوتے ہیں۔
