6
ایڈیلیڈ، پاکستان کے نوجوان سکواش اسٹار اشعب عرفان نے شاندار کارکردگی کا مظاہرہ کرتے ہوئے ساؤتھ آسٹریلین سکواش چیمپئن شپ 2025 کا ٹائٹل اپنے نام کر لیا۔
ایڈیلیڈ میں کھیلے گئے فائنل میں اشعب نے ملائیشیا کے ڈنکن لی کو سٹریٹ سیٹس میں شکست دی۔ اشعب نے میچ میں 11-08، 12-11 اور 11-09 سے کامیابی حاصل کی اور اپنے حریف کو سنبھلنے کا موقع تک نہ دیا۔
یہ فتح اشعب عرفان کے کیریئر کا ایک اہم سنگ میل ہے اور پاکستان کے لیے فخر کا لمحہ ہے، کیونکہ پاکستان ایک عرصے سے سکواش کی دنیا میں عالمی شہرت رکھتا ہے۔
واضح رہے کہ اس ٹورنامنٹ کی کل انعامی رقم 9 ہزار ڈالرز رکھی گئی تھی، جس میں دنیا بھر کے نوجوان کھلاڑیوں نے شرکت کی۔
یاد رہے کہ اشعب عرفان نے سیمی فائنل میں ہم وطن کھلاڑی حمزہ خان کو 3-0 سے شکست دی تھی، جہاں اس کا سکور 11-3، 11-8 اور 11-7 رہا تھا۔ ٹورنامنٹ میں اشعب ٹاپ سیڈ کھلاڑی کے طور پر شریک ہوئے اور شروع سے ہی بہترین فارم میں نظر آئے۔
