22
راولپنڈی: پاکستان اور سری لنکا کے درمیان ون ڈے سیریز کا تیسرا اور آخری میچ آج راولپنڈی کرکٹ اسٹیڈیم میں کھیلا جائے گا۔ گرین شرٹس کو سیریز میں 0-2 کی فیصلہ کن برتری حاصل ہے۔
پاکستان نے پہلا ون ڈے 6 رنز سے اور دوسرا میچ 8 وکٹوں سے جیت کر سیریز اپنے نام کر رکھی ہے۔ آج کا میچ میزبان ٹیم کے لیے وائٹ واش کا موقع جبکہ سری لنکا کے لیے سیریز میں شکست کے مارجن کو کم کرنے کا آخری موقع ہوگا۔
سیکیورٹی کے حوالے سے پولیس نے ون ڈے میچ اور آنے والی سہ ملکی ٹی20 سیریز دونوں کے لیے فول پروف انتظامات کر رکھے ہیں۔
18 نومبر سے شروع ہونے والی ٹرائی نیشن ٹی20 سیریز کے لیے پاکستان اور سری لنکا کے اسکواڈز نے گزشتہ روز راولپنڈی کرکٹ اسٹیڈیم میں پریکٹس سیشن بھی کیا۔
