ایشین یوتھ گیمز: پاکستان نے چین کو شکست دے کر سیمی فائنل میں جگہ بنالی

ایشین یوتھ گیمز میں والی بال مقابلوں کے کوارٹر فائنل میں پاکستان یوتھ ٹیم نے شاندار کارکردگی کا مظاہرہ کرتے ہوئے چین کو تین صفر سے شکست دے دی۔

پاکستان کی جیت کا اسکور 25-12، 25-13، 25-17 رہا، جس کے بعد قومی ٹیم نے سیمی فائنل میں جگہ بنالی ہے۔

ٹیم کی اس شاندار کارکردگی پر کوچنگ اسٹاف اور آفیشلز نے کھلاڑیوں کو مبارکباد دی اور امید ظاہر کی کہ ٹیم فائنل تک رسائی حاصل کرے گی۔