5
قومی ٹیم کے سابق فاسٹ باؤلر محمد عامر کو کوئٹہ کیولری کا کپتان مقرر کر دیا گیا ہے۔ یہ ٹیم 18 نومبر 2025 سے شروع ہونے والی ابو ظہبی ٹی ٹین لیگ میں اپنا پہلا سیزن کھیلے گی۔
کوئٹہ کیولری اپنا افتتاحی میچ ناردرن واریئرز کے خلاف کھیلے گی اور محمد عامر کی قیادت میں ٹیم 19 نومبر کو اپنے دوسرے میچ میں عجمان ٹائٹنز سے مقابلہ کرے گی۔ 21 نومبر کو ٹیم ڈیکن گلیڈی ایٹرز کے ساتھ اور 22 نومبر کو دہلی بلز کے خلاف میدان میں اترے گی۔ آخری دو میچ 27 اور 28 نومبر کو ویسٹا رائیڈرز اور رائل چیمپس کے خلاف ہوں گے۔
ٹیم میں اہم تبدیلی کے طور پر اعظم خان کو سکندر رضا کی جگہ شامل کیا گیا ہے، کیونکہ سکندر رضا افغانستان کے خلاف زمبابوے کی قیادت کر رہے ہیں۔
کوئٹہ کیولری کے کوچ یاسر عرفات ہیں، جبکہ جویریہ خان ٹیم ڈائریکٹر کے فرائض انجام دیں گی۔
