پرتھ: بھارتی کرکٹ ٹیم کے اسٹار کھلاڑی ویرات کوہلی اور سابق کپتان روہت شرما نے پرتھ میں ایک پاکستانی مداح سے ملاقات کی، آٹوگراف دیے اور تصاویر بھی بنوائیں، جس کی ویڈیو سوشل میڈیا پر وائرل ہوگئی۔
وائرل ویڈیو میں دیکھا جا سکتا ہے کہ ویرات کوہلی ہوٹل سے باہر نکلنے کے بعد اپنا بیگ ٹیم بس میں رکھتے ہیں اور جیسے ہی ایک پاکستانی مداح آٹوگراف کی خواہش ظاہر کرتا ہے تو وہ مسکراتے ہوئے اس کے پاس چلے جاتے ہیں، آٹوگراف دیتے ہیں اور تصویر بھی کھنچواتے ہیں۔
اسی دوران ویڈیو میں یہ بھی دکھایا گیا کہ روہت شرما جو پہلے ہی بس میں بیٹھ چکے تھے، مداح کے اشارے پر دوبارہ نیچے اتر آئے، آٹوگراف دیا اور اس کے ساتھ تصویر بھی بنوائی۔
مداح نے وائرل ویڈیو میں بتایا کہ وہ پاکستان کے شہر کراچی سے تعلق رکھتا ہے اور اس سے قبل بھی ایک بار ویرات کوہلی اور روہت شرما سے ملاقات کر چکا ہے۔
چیئرمین پی سی بی محسن نقوی کا پاکستان ٹیسٹ کرکٹ ٹیم کے اعزاز میں عشائیہ
سوشل میڈیا پر صارفین نے بھارتی کرکٹرز کے اس رویے کو "کھیلوں میں باہمی احترام اور محبت کی خوبصورت مثال” قرار دیتے ہوئے دونوں کھلاڑیوں کی تعریف کی ہے۔
🚨 A lucky fan of Virat Kohli from Karachi got his RCB jersey signed by the star batter. @rohitjuglan @ThumsUpOfficial #ViratKohli #TeamIndia #AUSvsIND #CricketFans pic.twitter.com/gujRTYbwee
— RevSportz Global (@RevSportzGlobal) October 16, 2025
