5
ٹی ٹوئنٹی ورلڈ کپ کے میچز بھارت میں کھیلنے کے حوالے سے بنگلہ دیش کرکٹ بورڈ (بی سی بی) کو رضامند کرنے کے لیے انٹرنیشنل کرکٹ کونسل (آئی سی سی) کا دو رکنی وفد ڈھاکہ پہنچ گیا ہے۔
تفصیلات کے مطابق وفد بی سی بی کے ساتھ ٹی ٹوئنٹی ورلڈ کپ کے حفاظتی انتظامات اور ان سے متعلق آزاد رپورٹ پر تبادلہ خیال کرے گا۔ بنگلہ دیش نے سیکیورٹی خدشات کے باعث اپنی قومی ٹیم بھارت بھیجنے میں ہچکچاہٹ ظاہر کی ہے اور مطالبہ کیا ہے کہ ان کے میچز بھارت سے باہر منتقل کیے جائیں۔
آئی سی سی نے خدشات کو مسترد کرتے ہوئے وقت کی کمی کے باعث میچز کے شیڈول کو برقرار رکھنے کا عندیہ دیا ہے۔ وفد کی یہ کوشش ہے کہ بنگلہ دیش ٹیم بھارت میں تمام شیڈول میچز کھیلنے پر آمادہ ہو جائے۔
