لاہور: جنوبی پنجاب سے تعلق رکھنے والا محنت کش نوجوان محمد عمران قومی کرکٹ ٹیم کے اسٹار بیٹر بابر اعظم کا ہمشکل ہونے کے باعث سوشل میڈیا پر راتوں رات مقبول ہو گیا۔
محمد عمران کے دوستوں نے اس کی ویڈیو سوشل میڈیا پر اپ لوڈ کی جس کے بعد صارفین کی بڑی تعداد نے اسے بابر اعظم سے حیرت انگیز مشابہت قرار دیا۔ ویڈیو وائرل ہونے کے بعد نوجوان کو غیر معمولی شہرت حاصل ہو گئی۔
ایکسپریس نیوز سے گفتگو کرتے ہوئے عمران نے بتایا کہ گاؤں کے لوگ اکثر کہتے تھے کہ وہ بابر اعظم جیسے لگتے ہیں، مگر وہ اس بات کو سنجیدہ نہیں لیتا تھا۔ لاہور آنے کے بعد جب لوگوں نے بھی یہی بات دہرائی تو اسے احساس ہوا کہ واقعی اس کی شکل قومی کپتان سے کافی ملتی ہے۔
بابر اعظم 2021 کے ٹی 20 ورلڈ کپ کے بعد ایک چھکا بھی نہیں لگا سکے
نوجوان کا کہنا تھا کہ سری لنکا کے خلاف میچ میں جب بابر اعظم کو ڈراپ کیا گیا تو وہ خاصا افسردہ ہوا کیونکہ اس کی پہچان ہی بابر بھائی سے جڑی ہوئی ہے۔ عمران نے امید ظاہر کی کہ وہ مستقبل میں اپنے ہمشکل اسٹار سے ملاقات بھی کرے گا۔
