28
دبئی: ایشیا کپ ٹی ٹوئنٹی کے تاریخی فائنل سے قبل روایتی ٹرافی شوٹ اس بار مکمل نہ ہو سکا۔
تفصیلات کے مطابق بھارتی کپتان سوریا کمار یادیو ٹرافی شوٹ کے لیے اسٹیج پر نہیں آئے، جس کے باعث پاکستانی کپتان سلمان آغا نے اکیلے ہی ٹرافی کے ساتھ تصاویر بنوائیں۔
بھارتی ٹیم منیجمنٹ نے بعد ازاں میڈیا کو مؤقف دیا کہ "ہمیں ایشین کرکٹ کونسل کی جانب سے ٹرافی شوٹ کے لیے نہیں کہا گیا تھا۔”
خیال رہے کہ ایشیا کپ کی 41 سالہ تاریخ میں پہلی بار پاکستان اور بھارت فائنل میں مدمقابل ہیں۔ یہ میچ آج دبئی کے انٹرنیشنل کرکٹ اسٹیڈیم میں مقامی وقت کے مطابق شام ساڑھے سات بجے فلڈ لائٹس کی روشنی میں کھیلا جائے گا۔
بھارت کیخلاف ایشیا کپ کے فائنل سے قبل چیئرمین پی سی بی کا قومی کھلاڑیوں کیلئے اہم پیغام
گرین شرٹس پرعزم
پاکستانی ٹیم فائنل کے لیے مکمل تیاری کے ساتھ میدان میں اترے گی، کھلاڑیوں اور شائقین کا جوش و خروش عروج پر ہے اور سب کی نظریں اس بڑے ٹاکرے پر جمی ہوئی ہیں۔
