ڈنمارک ایمبیسی کی جانب سے پاکستانی باکسر محمد وسیم کو ویزہ دینے سے انکارکردیا گیا ہے۔
قومی باکسر کی ورلڈ ٹائٹل فائٹ 4 اکتوبر کو مالٹا میں شیڈول ہے، ویزہ نہ ملنے کی صورت میں محمد وسیم ٹائٹل فائٹ میں شرکت نہیں کرپائیں گے۔
پاکستانی باکسر محمد وسیم کا کہنا تھا کہ میرا پاسپورٹ ڈنمارک کے سفارتخانے نے 40 دن تک پاس رکھنے کے بعد ویزا دینے سے انکار کرتے ہوئے واپس کر دیا ہے۔
پاکستانی باکسر نے کہا کہ ویزا نہ ملنے کی وجہ سے میری فائٹ متاثر ہوگی، 2 ہفتے پہلے میں نے حکومت وقت سے درخواست کی تھی، لیکن ابھی تک میرا ویزا نہیں لگا۔
محمد وسیم کا یہ کہنا تھا کہ اب فائٹ میں شمولیت مشکل دیکھائی دے رہی ہے، میں بہت پریشان ہوں، حکومتی عہدیداروں سے درخواست ہے کہ ویزے کے حصول کیلئے میری مدد کریں۔
دوسری جانب پاکستان بھر میں تاجروں کی ہڑتال سے ملکی معیشت کو 50 ارب روپے سے زائد کا نقصان پہنچا ہے۔
چیئرمین کراچی تاجر اتحاد عتیق میر کی جانب سے یہ دعوی کیا گیا ہے کہ مہنگی بجلی اور ٹیکسوں کے خلاف ہڑتال کامیاب رہی ہے۔
