پاکستان میں چیمپئینز ٹرافی 2025 کی میزبانی کو لیکر ایک بار پھر بھارت کی جانب سے منفی پروپیگنڈا شروع کردیا گیا ہے۔
چیمپئینز ٹرافی کے سلسلے میں پاکستان کے دورے پر آئے انٹرنیشنل کرکٹ کونسل کے وفد کی جانب سے پاکستان میں سیکیورٹی سمیت اسیٹیڈیمز کی اَپ گریڈیشن پر اطمینان کا اظہار کیا گیا تھا۔
غیر ملکی میڈیا نے جھوٹی خبریں پھیلانا شروع کردی ہیں کہ آئی سی سی وفد کی جانب سے پاکستان میں ایونٹ کی میزبانی کو لیکر تشویش ظاہر کی گئی ہے۔
انٹرنیشنل کرکٹ کونسل کے وفد میں سینئر مینجر ایونٹس سارہ ایڈگر، ایونٹ مینجر اور چیمپئنز ٹرافی ایونٹ لیڈ عون محمد زیدی، جنرل مینجر کرکٹ وسیم خان، سکیورٹی مینجر ڈیوڈ مسکر اور براڈ کاسٹ کنسلٹنٹ منصور منج شامل تھے۔
وفد نے چیئرمین پی سی بی محسن نقوی سے بھی ملاقات کی، اُس موقع پر انہیں اسٹیڈیمز کی اَپ گریڈیشن، سیکورٹی پلانز سمیت شائقین کرکٹ کو فراہم کی جانے والی سہولیات سے بھی آگاہ کیا گیا۔
دوسری جانب بھارت کی جانب سے آئی سی سی چیمپئینز ٹرافی 2025 کیلئے تاحال اپنی ٹیم بھیجنے کے حوالے سے کوئی اعلان نہیں کیا گیا، جس کے باعث ٹورنامنٹ کا شیڈول تاخیر کا شکار ہے۔
یاد رہے کہ چیمپئینز ٹرافی اگلے سال فروری اور مارچ میں شیڈول ہے جس میں ٹاپ 8 ٹیمیں شرکت کریں گی۔
