238
پاکستان کرکٹ بورڈ (پی سی بی) کی جانب سے 5 مینٹورز کو بھاری تنخواہیں ادا کرنے کا فیصلہ کر لیا گیا ہے۔
مینٹورز کو ماہانہ فی کس 50 لاکھ اور سالانہ 6 کروڑ روپے ادا کئے جائیں گے، ڈومیسٹک کرکٹ میں یہ ادا کیا جانے والا ایک ریکارڈ معاوضہ ہوگا۔
سابق ٹیسٹ کرکٹرز وقار یونس، مصباح الحق، شعیب ملک، سرفراز احمد اور ثقلین مشتاق 3 سالہ معاہدے کے تحت پورے سال کے لیے دستیاب ہوں گے اور بطور ایڈوائزر بھی کام کریں گے۔
ذرائع کے مطابق مینٹور ٹیم کیلئے کام کرنے کے علاوہ کھلاڑیوں کی فارم اور فٹنس کے متعلق بورڈ سے رابطے میں رہیں گے۔
ہیڈ کوچ، بیٹنگ کوچ، باؤلنگ کوچ اور فیلڈنگ کوچ سمیت 10 رکنی سپورٹ اسٹاف لاہور، راولپنڈی، سیالکوٹ، ملتان اور کراچی میں تعینات ہو گا، مینٹوزر قومی کرکٹ ٹیم کے کوچنگ اسٹاف کی بھی معاونت کریں گے۔
