پی سی بی میں ٹیسٹ پاس نہ کرنے والے اینالسٹ فارغ کر دیئے گئے۔
لاہور، پاکستان کرکٹ بورڈ (پی سی بی) میں ٹیسٹ پاس نہ کرنے والے اینالسٹ فارغ کر دیئے گئے۔
ذرائع کا کہنا ہے کہ چیئرمین پی سی بی محسن نقوی کی جانب سے جاری کردہ ہدایات پر اینالسٹس کی سکروٹنی کی گئی، ڈیٹا اور ویڈیو اینالسٹس کی کارکردگی جانچنے کے لیے کمیٹی تشکیل دی گئی تھی۔
ذرائع کے مطابق کمیٹی نے ڈیٹا اور ویڈیو اینالسٹس کا مختلف امور پر امتحان لیا، 26 میں سے 11 اینالسٹس ٹیسٹ میں پا س ہی نہ ہوسکے۔
ذرائع کا کہنا تھا کہ 11 اینالسٹس کو فوری طور پر پی سی بی کی جانب سے فارغ کردیا گیا جبکہ 15 اینالسٹس کو اب مختلف ٹیموں کے ساتھ تعینات کیا جائے گا۔
دوسری جانب سینئر سفارت کار آمنہ بلوچ نے سیکرٹری خارجہ کی ذمہ داریاں سنبھال لیں۔
اس حوالے سے ترجمان دفتر خارجہ ممتاز زہرہ بلوچ کا کہنا تھا کہ آمنہ بلوچ 33 ویں خارجہ سیکرٹری تعینات ہوئی ہیں، وہ ایک تجربہ کار سفارت کار ہیں۔
ترجمان دفتر خارجہ کے مطابق آمنہ بلوچ چین میں پاکستانی قونصل جنرل رہ چکی ہیں، وہ یورپی یونین، بیلجیم اور ملائیشیا میں بھی پاکستانی سفیر رہ چکی ہیں۔
